Categoría
#interiores, #mobiliario, #reforma, #rehabilitación, #residencial
Tags
interiores, mobiliario, reforma, rehabilitación, residencial
Sobre este proxecto
Ano:2017
Localización:Cambados
Colaboradores:Lucía Sineiro Cascallar
Promotor:Privado
Constructora:Construcciones Castelo
Materiais:Madeira, ladrillo cara vista, viroc
Fotografía:Karlos Abal
Descrición/Descripción:

Atopámonos cun piso de 186 m2 construídos hai 45 anos, nunha planta quinta con catro fachadas ao centro de Cambados e a primeirísima liña de mar. O noso obxectivo é conseguir potenciar e que se vexa o que xa temos, que é moitísimo pero permanece oculto tras unha excesiva compartimentación.

PREMISAS:
-Potenciar vistas cruzadas: continuidade visual
-Completar recorrido circular
-Ordenar orientación

Para iso conseguimos distribuír todas as estancias, con maior ou menor grao de apertura e intimidade, ao redor dun percorrido circular completo que nos garante todas as vistas cruzadas. Desde cada punto téñense que ver as vistas da fachada oposta, mostrándonos a seguinte estancia. Deixamos un gran espazo de vida que abarca dunha soa visual todo o trazado do sol: cociña e xantar ao amencer e mediodía, salón a tarde e despacho a poñente.
O deseño das portas interiores, todas distintas e todas a medida, foi moi importante neste proxecto xa que a elas correspóndelles redebuxar e confundir límites e graduar a intimidade para cada estancia e para cada momento, conseguindo flexibilizar espazos e difuminar as estancias.
O inevitable núcleo central de instalacións comúns do edificio individualízase, separándose fisicamente do teito e materialmente das estancias circundantes ao empregar o ladrillo cara vista como elemento diferenciador. A complicidade e confianza entre arquitecta e clientes permitiu xogar dunha maneira desenfadada co emprego de materiais na súa vertente máis espida: ensinamos a estrutura de formigón preexistente, empregamos ladrillo rústico natural ou pintado, instalacións á vista, alicatados degradados en gran formato, cobre, latón, ferraxes e madeira, moita madeira, en acabados naturais ou con lasures como na galería da cociña.
Fuximos do exceso decorativo, deixando o protagonismo aos materiais na procura dun concepto global de limpeza industrial.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies