A MAESTRA
by Paula Alfonso
- Ano: 2007
- Localización: Vilanova de Arousa
- Promotor: Privado
- Constructora:Hemacor (carpintaría) / Carpintería Corbelle (estrutura)
Rehabilitar consiste, segundo a súa definición, nun grupo de actuacións realizadas nun edificio antigo para que teña unha nova función na sociedade actual.
Aínda que nesta casiña de aldea se teñen feito moitas festas, os tempos mudan e hai novas necesidades que cubrir, así que toca renovarse. O primeiro sempre é limpar, eliminar os elementos que desvirtúen a construción máis orixinal. Buscamos consolidar o preexistente e harmonizar o novo, pero non perder nunca a esencia da construción orixinal. Para iso construímos con materiais no seu estado natural: pedra vella, tella, madeira… buscando en canteiras e almacéns ata dar xusto co que precisamos.
É a arquitectura a que debe acomodarse ó entorno; por iso a acacia da entrada durme nunha camiña de pedra.
Mantemos a bodega e o gran comedor, que son as almas desta construción. Ao seu carón se engade unha gran cociña, orientada a tódolos aires e cun bo soleamento. Levantamos tamén o baixocuberta para dotalo de habitacións e unha sala de descanso.
A construción abraza un patio interior, soleado e refuxiado dos ventos do norte… ¡E que siga a festa!
