A Deputación de Pontevedra convoca un concurso de ideas para a redacción dun anteproxecto de construción dun edificio de usos náutico-deportivos no Concello de A Illa de Arousa. Este edificio albergará as instalacións para que dúas agrupacións, o Club de Piragüismo e a Asociación Dornas A Vela, poidan desenvolver as súas actividades e exposicións, que a día de hoxe veñen realizando nunhas precarias condicións.
Repartimos os usos en tres grandes naves de madeira, comunicadas entre si por unha galería superior que distribúe e organiza os usos. Tentouse sempre integrarse na contorna, cunha configuración que favoreza as vistas dende todas as partes do edificio, que se protexe visualmente a leste e se abre ó resto dos ventos. Esta mesma disposición permite una enorme flexibilidade de usos baseada nunha organizada sectorización, o que se traduce en aforro enerxético e de consumos.
A estética das naves nos trae imaxes do aire do mar (AR_MAREIRO) filtrándose polas celosías das caixas de madeira, que nos recordan a antigos secadoiros de curtidorías e peixes, ós containers dos portos, as caixas de peixes, as redes e gavións e as nasas.
Tentamos neste proxecto fomentar o uso da madeira, pero non só como elemento decorativo, senón tamén como base do sistema construtivo.

Share on facebook
Share on twitter
Share on linkedin
Share on whatsapp
Share on email