AVV

Unha antiga casa que está a piques de derrubarse. A cuberta colapsou fai un tempo, o chan da galería xa cedeu e os interiores da vivenda comezan a mostrar un serio deterioro debido á humidade, ao vento e ao cambio de temperaturas. Na fachada, sobre a imposta que separa o baixo do primeiro andar, un peto de ánimas, e diante, no cruce dos camiños, un cruceiro de pedra.

O reto: crear unha vivenda familiar ampla e flexible, buscando respectar o noso patrimonio construído pero coidando de adaptalo ás novas necesidades.

Mantemos os muros de pedra e o forxado de formigón, limpamos divisións interiores e reemplazamos cuberta e galería. En planta baixa colocamos o recibidor, un aseo e unha zona común de cociña, comedor e salón cunha pequena estufa, aproveitando a relación co exterior a través dos ocos que se abren ao xardín. Na planta superior engadimos a galería ao espazo interior para colocar un dormitorio principal, con baño independente, e dou máis pequenos, un baño común e una pequena sala. O faiado aberto, perfecto para zona de xogos, se relaciona coa planta imediatamente inferior a través da dobre altura. Convertemos o espazo anexo á galería, en planta superior, nun pequeno despacho e almacén, mentres que en planta baixa aproveitamos para colocar a lavandería.

No exterior recuperamos un antigo pendello xa derruído como espazo de grella para grandes reunións e habilitamos unha zona de piscina que converte o conxunto no lugar ideal para aproveitar e desfrutar dos meses de calor.