VIÑAS NOVAS
by Paula Alfonso
- Ano: 2023
- Localización: Meis
- Promotor: Privado
- Constructora: /
Das antigas edificacións unicamente quedan os muros, a medio derrubar, a traza do que foi. Sobre eles unha nova vida.
Salvamos o que podemos e, a partir diso, organizamos un novo programa. Os propietarios queren rehabilitar un dos volumes como vivenda e recuperar o resto como un lugar de celebracións.
A volumetría respecta as marcas do pasado, os perímetros e as alturas. Os muros de pedra vistos e as cubertas de tella a dúas augas. A nova estrutura de madeira, os interiores ben illados e tratados para lograr o maior confort co apoio dos novos sistemas de instalacións para ventilación e climatización.
Co tratamento dos espazos exteriores buscamos unha conexión accesible en toda a planta baixa da parcela. Con novos muros de pedra xeramos un xogo de ramplas e escaleiras que permiten a creación de distintos espazos de estar. A vexetación complementa o deseño convertendo o conxunto nun equilibrio de usos e funcións que convive co respecto ao patrimonio.
